Warta Sunda
Trending

Akmal Nurwenda ti Karawang Wawakil Jawa Barat dina Festival Dalang Nasional

Karawang, Giwangkara.comFestival Dalang Muda Nasional Taun 2020, Provinsi Jawa Barat diwakilan ku Akmal Nurwenda, dalang muda  ti Karawang, diselenggarakeun ku Disparbud (Dinas Pariwisata dan Kebudayaan) Provinsi Jawa Barat, dilaksanakeun ku Disparbud Kabupaten Karawang sacara virtual di aula Disparbud, Jalan Alun-alun Karawang, Jumaah (23/10/2020) anu kaliwat.

Acara dibuka ku Kepala Disparbud Karawang, Yudi Yudiawan, SE, MM, dihadiran ku  rengrengan Disparbud, Ketua Pepadi Jawa Barat, H. Darsa Wibiksana katut rengrengan, Ketua Pepadi Karawang, Waya Karmila, S.Pd.,MM katut rengrengan, Kepala Disdikpora (Dinas Pendidikan, Pemuda dan Olahraga) Karawang, Drs. Asep Junaedi, M.Pd. katut rengrengan, para tamu undangan jeung nu sejenna.

Dina pidato pangjajapna Kepala Disparbud Karawang diantarana netelakeun,  Disparbud salawasna ngarojong kana sagala kagiatan para seniman di Karawang. Inyana nganuhunkeun ka sakabeh rengrengan Disparbud  nu salawasna ngagali potensi (kamaheran) para seniman ngora nu mibanda bakat. Dipiharep seni di Karawang  bisa narik ati para wisatawan, utamana seni tradisi wayang golek.

Dina ieu festival dipintonkeun Wayang Golek Purwa kalayan lalakon “Sukrasana Lena”. Nurutkeun pelatih dalang Karawang, Iman Rohendi, gaya/jenis padalangan Festival Dalang Muda Nasional Taun 2020 ngawengku: Wayang Kulit gaya Surakarta, Wayang Kulit gaya Yogyakarta, Wayang Kulit gaya Banyumasan, Wayang Kulit gaya Jawatimuran, Wayang Golek Purwa jeung Wayang Golek Menak/Cepak.

Aspek pertunjukan nu diniley nyaeta: Lakon/Cerita, Catur/Dialog, Sabet, Penguasaan Karawitan Pedalangan jeung Video Pertunjukan. Kitu ceuk pelatih dalang Karawang, Iman Rohendi, ti Padepokan Padalangan Purwa Komara netelakeun ka Giwangkara

Tags

Related Articles

Tinggalkan Balasan

Alamat email Anda tidak akan dipublikasikan. Ruas yang wajib ditandai *

Back to top button
Close
Close