Warta Sunda

Bapemperda Bakal Ngabahas Parobahan Propemperda

Bandung, Giwangkara — Ketua Badan Pembentukan Peraturan Daerah (Bapemperda) DPRD Provinsi Jawa Barat M. Achdar Sudrajat netelakeun, ayana parobahan dina Program Pembentukan Peraturan Daerah (Propemperda), nyaeta usulan Pemprov Jabar nu tadina aya 6 usulan ayeuna jadi 4 Raperda.

Kaopat Raperda eta teh nyaeta Raperda RPJMD, Raperda revisi nyaeta raperda ngeunaan bentuk hukum PD BPR Kabupaten Indramayu, Bogor jeung Cirebon, Raperda penyetaraan modal PT BPR Kabupaten Bogor, Indramayu jeung Cirebon, nu saterusna Raperda ngeunaan Penyelenggaraan Ketentraman Ketertiban Umum & Perlindungan Masyarakat.

“Nu asup kana Propemperda ngan saukur Raperda PD BPR, parobahan produk hukum jeung permodalan, pikeun RPJMD sarta Ketentraman Ketertiban Umum, asup kana produk anyar jeung usulan anyar,” ceuk Achdar di Gedong DPRD Jabar, sawatara waktu katukang.
Achdar ngeceskeun, yen pihakna bakal tetep ngayakeun pembahasan ngeunaan Raperda nu samemehna geus diusulkeun ku Pemprov.

“Tapi samemeh aya tugas pihakna bakal ngabahas dua raperda nu aya dina Propemperda nyaeta Raperda PD BPR jeung Produk Hukum sarta permodalan PT BPR. Dumasar kana hal eta, Bapemperda bakal ngalaksanakeun parobahan propemperda taun 2020 saluyu jeung surat tugas ti ketua DPRD,” pokna.

Tags

Related Articles

Tinggalkan Balasan

Alamat email Anda tidak akan dipublikasikan. Ruas yang wajib ditandai *

Back to top button
Close
Close