Warta Sunda

Disiplin Ngalaksanakeun Protokol Kasehatan, Pilkada Jadi Klaster Sumebarna Covid 19

Bandung, Giwangkara — Pemilihan Kepala Daerah disatengahing Pandemi Covid 19 nimbulkeun kahariwang munculna klaster anyar sumebarna virus, boh ka peserta, pemilih  jeung penyelenggara.

Sekretaris Komisi I DPRD Provinsi Jawa Barat Sadar Muslihat netelakeun, kudu ayana kasiapan, utamana ti KPU gawe bareng jeung gugus tugas penanganan covid-19 sangkan ngalaksanakeun pemilihan kepala daerah teh bener-bener ngalaksanakeun protokol kasehatan.

“Sakumna pihak  kudu bener-bener disiplin sangkan ieu pemilu teh lumangsung lancar pikeun nyinglaran klaster anyar dina pilkada ieu,” ceuk Sadar.

Hal sarupa oge diungkabkeun ku Anggota Komisi I DPRD Provinsi Jawa Barat, Nasir nu nyebutkeun kahariwang dina pilkada ieu teh nambahan sumebarna virus covid-19 tur ngabalukarkeun ayana bancang pakewuh sababaraha pihak.

“Saupamana aya kahariwang patali jeung bancang pakewuh, dina pelaksanaanna KPU geus pangalaman. Diantarana nyaeta Polres nu katangen pangalaman kumaha pikeun ngungkulan hal-hal saperti kitu. Tapi kahariwang jadi klaster saperti dina waktu kiwari can aya pangalaman. Antukna nu kudu diantisipasi teh, nyaeta ngalaksanakeun protokol kasehatanna,” pokna tandes.

Nasir ngajurung pihak KPU pikeun ngayakeun simulasi sangkan boga gambaran patali pencoblosan jeung protokol kasehatan.

Ketua KPU Kab. Karawang, Miftah Farid netelakeun, tahapan pemilu nu dilaksanakeun nepika tanggal 24 September 2020 teh nyaeta ngeunaan pengundian jeung netepkeun nomer urut.

Farid ngaharepkeun, tahapan kampanye dina tanggal 26 September nepika 5 Desember 2020 ieu, sakumna pihak boh penyelenggara, peserta atawa pemilih tetep kudu tumut kana protokol kasehatan pikeun kasalametan jeung kasehatan sarerea.*

Tags

Related Articles

Tinggalkan Balasan

Alamat email Anda tidak akan dipublikasikan. Ruas yang wajib ditandai *

Back to top button
Close
Close