Warta Sunda

DPRD Jabar Ngingetan, Pilkada Serentak Rawan Jadi Klaster Anyar Covid-19

Bandung, Giwangkara — DPRD Provinsi Jawa Barat ngingetan sakumna pihak patali jeung pelaksanaan Pilkada serentak 2020 sangkan tetep waspada tur ngalaksanakeun protokol kasehatan pikeun nyinglaran ayana klaster anyar covid-19.

Samemehna KPU RI mere ijin ngayakeun konser musik dina kampanye calon kepala daerah di pilkada serentak taun 2020 disatengahing pandemi covid-19. Ku kituna anggota komisi I DPRD Jabar, Ahab Sihabudin nyebutkeun, yen pihakna teu hayang saupamana pilkada engke bakal jadi klaster anyar covid-19.

Ku ayana hal eta, Ahab netelakeun DPRD Jabar bakal ngayakeun audiensi ka KPU RI, nu tujuanna nyaeta sangkan protokol kasehatan bisa dilaksanakeun sacara ketat salila lumangsungna pesta demokrasi.

“Pihakna bakal ngayakeun kunjungan ka KPU Pusat, susuganan bisa dirobah ulah nepika jadi klaster anyar covid-19 di pilkada ieu,” ceuk Ahab di Gedung DPRD Jabar, sawatara waktu katukang.

Inyana netelakeun, kiwari DPRD Jabar keur fokus tatan-tatan ngalaksanakeun pilkada disatengahing pandemi covid-19. Ku kituna, dirina ngingetkeun ka para panitia nu ngagelar Pemilu sangkan tetep nerapkeun protokol kasehatan.

Politisi PKS ti Dapil (Daerah Pemilihan) 14 Kabupaten Garut ieu oge ngungkabkeun yen Komisi I DPRD Jabar ngayakeun kunjungan ka KPU Kabupaten Bandung pikeun nitenan kumaha tahapan rarancang pilkada jeung agendana.

“Masih keneh aya rapatkeun, sanajan diwates, tapi faktana engke dilapangan saha nu bisa mere watesan eta?,” pokna tandes.*

Tags

Related Articles

Tinggalkan Balasan

Alamat email Anda tidak akan dipublikasikan. Ruas yang wajib ditandai *

Back to top button
Close
Close