Warta Sunda

Komisi II Ngarojong Ningkatkeun Anggaran, Nilik kana Kondisi Balai Pengujian Pakan Ternak dina Waktu Kiwari

Bandung, Giwangkara — Salah sahiji Balai Pengujian Mutu & Keamanan Pakan Ternak di Indonesia aya di Cikole, Lembang nu kondisina kawilang matak prihatin kuayana pandemi covid-19.

Hal eta ditepikeun ku Komisi II DPRD Jabar waktu ngayakeun kunjungan ka UPTD Balai Pengujian Mutu & Keamanan Pakan Ternak Dinas Peternakan Provinsi Jawa Barat di Cikole, Lembang, Kabupaten Bandung Barat.

Anggota komisi II DPRD Jabar Faizal Hafan Farid nyebutkeun, balai ieu teh nguji kualitas pakan jeung kaamanan sa-Indonesia. Ku kituna, Dinas Ketahanan Pangan & Peternakan Provinsi Jawa Barat kudu bisa leuwih merhatikeun deui kondisi saperti kiwari.

Kituna teh, lantaran mibanda kontribusi dina wujud pelayanan, utamana dina pengujian pakan ternak alus jeung henteuna.

Lian ti eta, ningkatkeun SDM jeung Laboratorium oge kudu jadi perhatian pamarentah Provinsi Jawa Barat.

Kahareupna, Komisi II bakal ngarojong sangkan anggaran nu dibutuhkeun di taun 2012 engke bisa leuwih ditingkatkeun deui.

Disagigireun eta, Anggota Komisi II DPRD Jabar, Tobias Ginanjar Sayidina, netelakeun, yen dina waktu kiwari loba pakan ternak nu palsu.

Antukna, ngadegna UPTD Balai Pengujian Mutu & Keamanan Pakan Ternak kawilang penting pikeun ngaminimalisir eta hal.

Lian ti eta, ceuk Tobias, tayana anggaran keur meuli bahan-bahan kimia nu diperlukeun keur nguji mutu jeung kaamanan pakan ternak kacida matak prihatin.

Ku kituna, Tobias miharep sangkan pamarentah bisa leuwih merhatikeun deui sangkan bisa leuwih ningkatkeun alat-alat Laboratorium nu diperlukeun balai pengujian pakan ternak ieu.*

Tags

Related Articles

Tinggalkan Balasan

Alamat email Anda tidak akan dipublikasikan. Ruas yang wajib ditandai *

Back to top button
Close
Close