Warta Sunda

Komisi III DPRD Jabar Miharep Samsat Bisa Leuwih Maksimal

Bandung, Giwangkara — Wakil Ketua Komisi III Dewan Perwakilan Rakyat Daerah (DPRD) Provinsi Jawa Barat Sugianto Nanggolah, mere apresiasi kana panghasilan nu asup kana Sistem Administrasi Manunggal Satu Atap (Samsat) outlet Kecamatan Cililin nu boga kontribusi kacida gedena kana pendapatan daerah. Hasil eta teh tinangtu ngabantu pisan kana Pendapatan Asli Daerah (PAD), utamana tina sektor pajak.

Komo deui dina waktu kiwari, objek pajak Kendaraan Tidak Melakukan Daftar Ulang (KTMDU) kawilang masih keneh loba. Dirina miharep sangkan outlet Samsat sejenna bisa nuturkeun hal nu sarupa ku cara ngayakeun program nu kawilang hade. Antukna masarakat boga inisiatif dina ngalaksanakeun kawajiban mayar pajeg.

“Sektor KTMDU ieu perlu ditingkatkeun deui. Saupamana memang perlu, kudu diayakeun program nu bisa ngagampangkeun masarakat keur mayar pajeg (pajak),” ceuk Sugianto waktu ngaluuhan Samsat Outlet Kecamatan Cililin, di Jalan Rawa Radio, Kabupaten Bandung Barat (KBB), sababaraha waktu katukang.

Loba hal nu bisa dipigawe, ceuk Sugianto, sangkan bisa mincut masarakat nu ta’at mayar pajeg. Salian ti program nu geus dipigawe dina waktu kiwari, saperti mere potongan harga tina denda pajak atawa telat mayar pajak contona. Inovasi kudu sagancangna dipigawe sangkan bisa ngaronjatkeun panghasilan daerah tina sektor pajak.

“Kudu aya upaya positif ti samsat. Kumaha carana sangkan bisa nyadarkeun masarakat turta ngagampakeun carana mayar pajak,” pokna. *

Tags

Related Articles

Tinggalkan Balasan

Alamat email Anda tidak akan dipublikasikan. Ruas yang wajib ditandai *

Back to top button
Close
Close