Warta Sunda

Komisi V DPRD Jabar Ngontrol Pendidikan di Kabupaten Pangandaran

Bandung, Giwangkara — Komisi V Dewan Perwakilan Rakyat Daerah (DPRD) Provinsi Jawa Barat ngayakeun kunjungan gawe ka Kabupaten Pangandaran, dina raraga monitoring ngalaksanakeun kegiatan belajar mengajar (KBM) di satengahing adaptasi kebiasaan baru (AKB) balukar wabah pandemi covid-19.

Tim Kantor Cabang Dinas Pendidikan Wilayah XIII Ciamis, katut para anggota legislatif upaya satekah polah pikeun nampung aspirasi ti kepala sakola patali jeung masalah nu tumiba ka para peserta didik SMA, SMK sarta SLB, salila AKB lumangsung. Diharepkeun, ku ayana kunjungan ieu teh bisa meunang solusi pikeun lumangsungna KBM sacara efektif.

Anggota Komisi V Johan Anwari netelakeun, yen dina situasi AKB saperti kiwari pasti bakal loba masalah jeung rereged nu bakal disanghareupan lantaran kakara munggaran dilaksanakeun. Inyana miharep, ku ayana laporan ti para pelaksana atikan (pendidikan) di daerah saperti masalah operasional salila AKB bisa dibere fasilitas nu payus, sangkan ajen atikan para siswa bisa tetep ka jaga tur lumangsung lancar. 

“Ieu ngarupakeun sharing antara wakill rakyat jeung kepala sakola, patali jeung kagiatan diajar salila AKB lumangsung. Sakumna aspirasi bakal ditampung tur pihakna bakal ngupayakeun pikeun eta hal teh bisa direalisasikeun sagancangna sangkan pendidikan bisa lumangsung lancar sakumaha mistina,” pokna di SMKN 1 Pangandaran, sababaraha waktu katukang.

Lian ti kitu, Johan miharep ayana tambahan aspirasi (masukan) pikeun sagancangna aya tambahan tanaga pengajar nu bisa nyumponan keur SLB di wilayah Kabupaten Pangandaran. *

Tags

Related Articles

Tinggalkan Balasan

Alamat email Anda tidak akan dipublikasikan. Ruas yang wajib ditandai *

Back to top button
Close
Close